Жамбыл жері қашаннан таланттарға бай – Бердібек Сапарбаев
пресс-служба
Жамбыл облысының әкімі Бердібек Сапарбаев Ш.Мұртаза атындағы "Руханият және тарихтану" орталығында шығармашылық зиялы қауым өкілдерімен кездесті.
Еркін форматта өткен кездесуде көрнекті қоғам қайраткерлері, жазушылар, ақындар рухани және мәдени құндылықтар, өзекті мәселелер туралы сараланды.
Бердібек Сапарбаев алдымен облыстың биылғы нәтижелеріне қысқаша тоқталып өтті. Экономикалық болжамдар жүз пайызға немесе одан да артығымен орындалатынын сеніммен жеткізді.
Ауқымды жоспарлар жүзеге асырылуда. Коронавирустық дағдарысқа қарамастан, біздің өңір жақсы көрсеткіштерге қол жеткізді. Мемлекет басшысының және үкіметтің қолдауының арқасында біз көптеген ауылдарды сумен және газбен қамтамасыз ете алдық, әлеуметтік нысандар салдық, жолдарды жөндедік. Жамбылдықтарға әлеуметтік көмекке шамамен 45 миллиард теңге бөлінді. Әрине, шешімін күткен мәселелер әлі де жоқ емес. Тұрақты сауалнамалар жүргізіліп, алаңдатарлық нүктелер анықталуда. Мәселелер кезең-кезеңімен шешімін табуда, - деді облыс әкімі.
Облыс басшылығы әлеуметтік-экономикалық көрсеткіштерді жақсартуға ғана емес, мәдени саланы дамытуға да назар аударуда.
- Өтіп бара жатқан жыл мерейтойлық шараларға толы болды. Алтын Орданың 750, Әл-Фарабидің 1150, Абайдың 175, Бауыржан Момышұлының 110, Шәмші Қалдаяқовтың 90 жылдығын бүкіл ел лайықты атап өтті. Біз коронавирустық пандемияның салдарынан мұндай атаулы күндерді кең көлемде атап өте алмадық. Келер жылда да маңызды оқиғалар аз емес десек, солардың бастысы – ел Тәуелсіздігінің 30 жылдығы, - деді облыс әкімі.
Ол Жамбыл жері әрқашан таланттарға бай болғанын, ақын-жазушылар жас ұрпақтың тәрбиесінде жарқын өнеге болып табылатындығын баса айтты.
Сіздер өз шығармаларыңызбен жастарды дәстүрлер мен әдет-ғұрыптарды құрметтеуге және сақтауға баули аласыздар. Бұл әсіресе қазіргі нақты жағдайда аса маңызды, - деді облыс әкімі.
Ол шығармашылық зиялы қауым өкілдерін қоғамдағы тұрақтылықты нығайтуға, ұлттық құндылықтарды насихаттауға үлес қосуға шақырды.
Сондай-ақ, Қазақстан Жазушылар одағының төрағасы, ҚР еңбек сіңірген қайраткері, ақын Ұлықбек Есдәулет сөз сөйледі.
Әулиеата топырағынан туған талантты ақын-жазушылар көп. Олардың арасында айтулы жазушы және журналист Шерхан Мұртазаны, қазақ әдебиетінің қазіргі заманғы классигі Несіпбек Дәутайұлын, ақын, Мемлекеттік сыйлықтың лауреаты Күләш Ахметованы айрықша атауға болады. Қазақстан Жазушылар одағы қазіргі жас таланттарды танытуға ниетті, - деді ол.
Ұлықбек Есдәулет барлық Жамбыл жерінде республикалық әдеби фестиваль өткізуді ұсынды.
Облыс әкімі бұл идеяны қолдады. Белгілі жазушылар мен ақындар шығармашылық мамандық иелеріне көрсеткен қолдауы мен ілтипаты үшін облыс әкіміне алғыс айтып, өз ұсыныстарын ортаға салды. Олар мүмкіндігінше мәдени іс-шаралары көптеп өткізу керектігін алға тартты.
Сонымен қатар, олар өңірдегі мәдени-тарихи мұраларды сақтау мәселелеріне де тоқталды. Бұл – аса маңызды. Өйткені, Тараз – біздің тарихымыздың бесігі.
Бұл күні жергілікті жас ақындар Табиғат Абаилдаев, Данияр Әлімқұл және Нұржан Қадірәліге Қазақстан Жазушылар одағының куәліктері салтанатты түрде тапсырылды. Жазушы-драматург Елен Әлімжанға, ақындар Қайырбек Асанов пен Шырын Мамасеріковаға 75 жылдық мерейтойларына орай Қазақстан Жазушылар Одағы төрағасының құттықтау хаттары табысталды.
Сондай-ақ, "Әдеби өлке" жобасы аясында "Хандықтықтың туын тіккен киелі өлке" кітабының тұсаукесері өтті.
