Байден ақырында президент сайлауының жеңімпазы ретінде бекітілді

7 Қаңтар 2021, 14:56
Сурет: Deutsche Welle

АҚШ Конгресі президент сайлауының нәтижелерін мақұлдады. Екі палатаның мүшелері желтоқсан айының соңында Демократиялық партияның кандидаты Джо Байденді жеңімпаз деп жариялаған Сайлаушылар алқасының ұстанымымен келісті, деп хабарлайды zakon.kz РБК-ға сілтеме жасап.

Конгресс сайлауының жеңімпазы бірнеше сағат бұрын расталуы керек еді, бірақ Вашингтондағы тәртіпсіздіктерге байланысты жиналыс кілт тоқтады. Қала орталығында жиналған Дональд Трамптың жақтастары бір сәтте кордонды бұзып өтіп, Капитолий ғимаратына басып кірді. Салдарынан тәртіп сақшылары адамдарды сыртқа шығару үшін атыс қару кезеніп, көз жасаурататын газ тапаншасын қолдануға мәжбүр болды.

Соңғы мәліметтер бойынша, тәртіпсіздіктер салдарынан төрт адам қаза тауып, бірнеше ондаған адам ұсталды.

Байденнің президенттік өкілеттігін мақұлдауға Джорджия, Мичиган, Невада және Пенсильваниядағы сайлау нәтижелеріне қарсы шыққан кейбір заң шығарушы орган өкілдері кедергі келтіруге тырысты. Алайда олардың бастамасы қолдау таппады, соның ішінде партияластары арасында да.

Сайлау нәтижелерін растау - АҚШ-тағы сайлау нәтижелерін қорытындылаудың соңғы кезеңі. Көптеген жағдайларда бұл процедура қарапайым болады. Соңғы 140 жыл ішінде осы кезеңде дауыс беру нәтижелерін жоққа шығару үшін тек үш рет әрекет жасалды, жақында 2005 жылы бұл бастама қолдау таппады.

3 қарашадағы дауыс беруден бастап Трамп бірнеше штатта дауыстарды санау кезінде көптеген заң бұзушылықтарға жол берілгенін бірнеше рет мәлімдеді. Оның жақтаушылары 60-қа жуық сот ісін қозғады, бірақ олардың ешқайсысы дауыс беру процесін қайта қарауға түрткі бола алмады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?