Еуроодақ Қырғызстандағы сайлауға қатысты мәлімдеме жасады

platforma.kg platforma.kg
Әкімшілік күш қолданылғаны және үгіт-насихат жүргізу ережесі бұзылғаны айтылған.

Еуропа одағының Қырғызстандағы өкілдігі президент сайлауы мен референдумға қатысты мәлімдеме таратты, деп хабарлайды zakon.kz centralasian.org-ке сілтеме жасап.

Онда Еуроодақ "тәртіпті әрі жақсы ұйымдастырылған президент сайлауын" құптайтыны, дегенмен сайлауға түскен кандидаттардың барлығына тең мүмкіндік жасалмағаны, әкімшілік күш қолданылғаны және үгіт-насихат жүргізу ережесі бұзылғаны айтылған.

Сайлаушылардың дауыс беруге келуі де әлсіз болды. ЕО жаңа президентті қоғамның барлық салаларындағы азаматтармен жұмыс істеуге, адам құқықтары мен еркіндігі жөніндегі міндеттерді орындауға шақырады делінген мәлімдемеде.

Бұған қоса, Еуроодақ жаңа Конституция жобасын талқылау ашық әрі әділ өтуі тиіс деп есептейді.

Еуропа одағы қырғыз билігін парламент сайлауын тезірек өткізуге, ЕҚЫҰ ескертулерін ескеруге шақырды.

Қырғызстанда 10 қаңтарда өткен президент сайлауында Садыр Жапаров алда келеді. ОСК мәліметі бойынша, Жапаров сайлауда 79 пайыз дауыс жинаған. Сайлаумен бірге мемлекеттік басқару формасы жөнінде референдум өтті. Сайлаушылардың 80 пайызы президенттік басқару формасын таңдады.

zkadm
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз