Министр коронавирусқа шалдығушылардың көбею себебін түсіндірді

Үкімет отырысында денсаулық сақтау министрі Алексей Цой COVID-19 ауруының көбею себебін атады, деп хабарлайды zakon.kz.

Оның айтуынша, 19 қаңтардағы жағдай бойынша, еліміздің алты өңірі "қызыл" аймақта орналасқан.

Қараша айынан бастап КВИ-ға шалдығушылар саны жоғарылай бастаған. Қарашада қазан айымен салыстырғанда аурушаңдық 4,5 есе өсті, желтоқсанда қарашамен салыстырғанда 1,2 есе өсті, қалыпты өсу тенденциясы қаңтар айында да сақталады, бұл халықтың желтоқсан-қаңтар айларындағы ұзақ демалыс кезінде барлық профилактикалық шараларды сақтамауының салдары болып табылады. Қаңтар айынан бастап осы 19 күн ішінде КВИ-дің 14 625 дерегі тіркелді. Ауруға шалдыққандардың өсімі Шығыс Қазақстан облысынан басқа барлық аймақтарда байқалады, деп толықтырды Денсаулық сақтау министрі.