Үш мас әйелдің кесірінен мейрамхананың карантинде жұмыс істегені әшкереленді

25 Қаңтар 2021, 17:55
Сурет: polisia.kz

Атырау қаласында мас күйінде мейрамханада төбелес шығарған үш әйел жауапкершілікке тартылды, деп хабарлайды zakon.kz.

Polisia.kz мәліметі бойынша, 23 қаңтар күні түнгі сағат 03:29 шамасында Атырау қаласы Азаттық көшесінде орналасқан “Vivaldi” ресто-бар алдында 32, 33 және 28 жастағы азамат өзара келісе алмай төбелес шығарған. Олар сол күні “Vivaldi” ресто-барының ішінде көңіл көтеріп, ішімдік ішкен. Олар наркологиялық сараптамадан өткізіліп, сараптама нәтижесіне сәйкес олардың жеңіл дәрежелі мас күйде болғаны анықталды. Үшеуіне қатысты ҚР ӘҚБтК-нің 434-бабымен (Ұсақ бұзақылық) әкімшілік хаттамалар толтырылып, жинақталған құжаттар шешім қабылдау үшін сотқа жолданды.

Ал сағат 20:00-ден кейін жұмысын жалғастырып, Атырау облысының бас санитариялық дәрігерінің 2021 жылдың 21 қаңтарындағы №1 қаулысын бұзып, карантин режимін сақтамаған “Vivaldi” ресто-барына қатысты жинақталған құжаттар шешім қабылдау үшін Атырау қалалық Тауарлар мен көрсетілетін қызметтердің сапасы мен қауіпсіздігін бақылау басқармасына жолданатын болады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?