ШҚО-да экскаватордың кесірінен тоғыз ауыл газсыз қалды

Медиахолдинг1Mi Медиахолдинг1Mi
Бүгін таңертең сағат 8.00-де апат салдары жойылып, абоненттерді қосу жұмыстары басталды.

Шығыс Қазақстан облысында алдыңғы түні тоғыз ауыл газсыз қалды, деп хабарлайды zakon.kz.

ШҚО әкімдігінің хабарплауынша, 2021 жылдың 27 қаңтар күні сағат 19-30-да "Барыс көл" ЖШС экскаваторшысы Әлібек Өткелбаев көпір құрылысы бойынша жер жұмыстарын орындау кезінде Зайсан ауданының 9 елді мекенін газбен қамтамасыз ететін жоғары қысымды магистралды газ құбырына байқаусызда зақым келтірді.

Нәтижесінде, Айнабұлақ, Қаратал, Үлкен-Қаратал, Шалқар, Көгедай, Қайнар, Кеңсай, Жамбыл, Қарабұлақ елді-мекендеріндегі 2105 абонентке газ беру шұғыл тоқтатылды.

Аудан әкімінің басшылығымен қалпына келтіру жұмыстары орнында штаб құрылды. 6 мотопомпа, АЦ-40, 1 КУНГ, 50 техника, сондай-ақ "Барыс көл" ЖШС тарапынан барлық қажетті техника жұмылдырылды.

"9 елді мекенде көмір мен қажетті отын қорын тасымалдау ұйымдастырылды. Айта кетейік, барлық үйлер апат кезінде автономды жылу көздеріне көшті. Ал сыртқы ауа температурасы -17 градусты құрады. Бүгін таңертең сағат 8.00-де апат салдары жойылып, абоненттерді қосу жұмыстары басталды", делінген әкімдік хабарламасында.

zkadm
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз