"КВИ-мен бір рет ауырып, тұрғаным жақсы" дейтіндерге Цой жауап берді

10 ақпандағы дерек бойынша, елімізде 13 301 адамға вакцина салынды.

Денсаулық сақтау министрі Алексей Цой Қазақстандағы вакцинация науқанына тоқталды, деп хабарлайды zakon.kz.

Халық арасында "екпе салдыртқанша, коронавирус инфекциясымен бір рет ауырып, тұрғаным жақсы" деген жаңсақ пікір бар, ол иммундық жүйеге әсер ететін, созылмалы ауруларды қоздыратын, өкпе, бауыр, жүрек сияқты өмірлік маңызды органдардың қызметін бұзатын "постковидтық" асқынуларға әкеліп соғатынын еске салғым келеді. COVID-19 із-түзсіз, тез жазылып кететін ауру емес, одан соң қалыпқа келу өте ұзақ уақытты алады әрі науқасқа да оңай болмайды, - деді ол.

10 ақпандағы дерек бойынша, елімізде 13 301 адамға вакцина салынды.

Ең алғашқылардың бірі болып вакцинаны инфекциялық ауруханалардың, жедел жәрдем қызметінің, сонымен қатар КВИ жұқтыру қаупі жоғары мекемелердің медициналық қызметкерлері алады, .Содан кейін вакцина көлемі ұлғайған сайын вакцина контингенті кеңейтіліп, мұғалімдер мен құқық қорғау органдарының қызметкерлеріне екпе салынады.