Өскемендегі Сәтпаев даңғылында қозғалыс тәртібі өзгерді

ШҚО ПД Әкімшілік полиция басқармасы Өскемен қаласы Сәтпаев даңғылы бойынша (16 және 20 үйлер тарапынан қозғалыс кезінде) жол қозғалысын ұйымдастыру өзгергенін хабарлайды.

"Айгүл" дүкені жағынан солға (Ертіс өзені арқылы өтетін көпірге қарай) қозғалатын көлік құралдарының қозғалысына енді екі жолақтан рұқсат етіледі.

Бұл шаралар осы қиылыстың өткізу қабілетін арттыруға және жол қозғалысы қауіпсіздігін арттыруға бағытталған.

Жүргізушілерден сақ болуды және жол жүру ережелерін сақтауды сұраймыз, дейді ШҚО ПД баспасөз қызметі.