Бір жылда өз елінен 1 300 қазақ көшіп кеткен

12 Ақпан 2021, 11:19
Сурет: Ашық дерекөздерден алынды

Қазақстаннан бір жылда 29 мың адам көшіп кетті. Оның 25 мыңнан астамы Ресейге қоныс аударған. Ұлттық статистика бюросының мәліметіне қарағанда, елден кеткендердің көбі Қарағанды, Қостанай мен Шығыс Қазақстан облыстарының тұрғындары, деп хабарлайды zakon.kz.

"Одан кейінгі қандастарымыздың үлкен легі Германияға ағылған. Онда 2250 жерлесіміз қоныс аударды. Одан кейінгі орында АҚШ, Беларусь, Өзбекстан мен Канада тұр. Қырғызстан мен Әзірбайжан, тіпті Израильге көшіп кеткендер бар", деп хабарлайды КТК телеарнасы.

Ал шет елден Қазақстанға құтты мекен іздеп келушілер жоқ емес.

Атап айтқанда, 20-ға жуық мемлекеттен 12 мыңға жуық адам қоныс аударған. Көбі Ресей, Өзбекстан, Қытай азаматтары. Елден кетіп жатқандардың басым бөлігі солтүстік өңірдің тұрғындары: Қарағанды, Қостанай, Павлодар, Шығыс Қазақстан. Ал қазақ жеріне қоныс аударғандардың көпшілігі үйді Алматы мен Түркістан облыстарынан алыпты. Тек бірлі-жарымы ғана Нұр-Сұлтан мен Алматыны таңдаған.

Ұлттық статистика бюросы елден кеткен 29 мың адамның 20 мыңнан астамы орыс ұлты дейді. 2,5 мыңы - неміс, 2 мың - украин, 1 300-і қазақ екен. Қазақстанға көшіп келген 11 мың адамның 5 жарым мыңы ғана қазақ. Жалпы, елімізге азды-көпті 20-ға жуық ұлт өкілі көшіп келген.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?