ШҚО-да карантин мерзімі ұзартылды

12 Ақпан 2021, 14:54
Сурет: pexels.com

Шығыс Қазақстан облысында карантиндік шектеу шаралары ұзартылды, деп хабарлайды zakon.kz.

30 қаңтарда жарияланған №3 қаулыға бірқатар өзгеріс енгізілді. Құжатта медициналық немесе қарапайым матадан тігілген масканы дұрыс кию талаптары нақтыланған: маска мұрынды, ауызды және иекті тұтас жауып тұруы тиіс. Сөйлескен кезде масканы иекке сырып тастауға, қолға немесе мойынға байлап алуға болмайды.

Бұл талаптар қазір жұмыс істеп тұрған нысандардағы қызметкерлердің барлығына бірдей. Сондай-ақ қайта әлеуметтендіру және бейімдеу орталықтарына, денсаулық сақтау ұйымдарына ем-шараға мәжбүрлі түрде жеткізілген белгілі бір тұрғылықты жері жоқ адамдар ПТР әдісімен зертханалық тексеруден өтеді, – деп жазылған ШҚО бас санитарлық дәрінің міндетін атқарушы Хамит Елубаевтың қол қойған қаулысында.

Қазақстан аймақтарындағы эпидемиологиялық жағдайды бағалау матрицасына сәйкес, ШҚО қазір "жасыл" аймақта болып саналады.

Өткен тәулікте, 11 ақпанда облыста коронавирустың 64 дерегі тіркелді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?