Жаңалықтар тізбегі
0

Алматыда теміржол вокзалы сейфінен 1 млн теңге ұрланды

Көліктегі ПД, сурет - Zakon.kz жаңалық 17.02.2021 23:21 Көліктегі ПД
Жедел-іздестіру іс-шараларының нәтижесінде Алматы облысының 27 жастағы күдікті тұрғыны анықталды.

Көліктегі полиция қызметкерлері "Жолаушылар тасымалы" АҚ филиалы сейфінен 1 миллион теңгеге жуық ақшаны ұрлаған ер адамды ұстады, деп хабарлайды zakon.kz.

Көліктегі ПД баспасөз қызметі ірі ұрлықтың бетін ашқандарын хабарлады.

"Алматы-1" теміржол станциясының қызметкері желілік полиция бөліміне "Жолаушылар тасымалы" АҚ филиалына тиесілі кассасына біреу кіріп, сейфтен ақша ұрлап кеткенін жеткізіп, арызданды.

Осы фактіге сәйкес, ҚР Қылмыстық кодексінің 188-бабы, 3-бөлімінің 3-тармағы (Тұрғын үйге, қызметтік немесе өндірістік үй-жайға заңсыз кіру арқылы жасалған ұрлық) бойынша сотқа дейінгі тергеу басталды.

Жедел-іздестіру іс-шараларының нәтижесінде Алматы облысының 27 жастағы күдікті тұрғыны анықталды.

Тексеру барысында күдікті арматурамен терезенің жақтауын бұзып, бөлмеге кіріп, сол жердегі темір сейфті ашып, шамамен 1 миллион теңге көлеміндегі қаражатты ұрлап кеткені анықталды. Сондай-ақ, бұл қылмысты жасау үшін ер адам кассирмен алдын-ала достық қарым-қатынас орнатып, оның жұмыс орны туралы егжей-тегжейлі біліп алғаны анықталды. Алматы қаласы Жетісу ауданының No2 аудандық сотының үкімімен ер адам кінәлі деп танылып, оған 3 жыл 6 ай мерзімге бас бостандығын шектеу жазасы тағайындалды, - деп хабарлады Көліктегі ПД.


zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: