Дәріханалар есіртікіні "құпия сөз" арқылы сатып жатыр
видеодан кадр
Дәріханаға пайда керек. Провизорға айла керек. Елімізде тек дәрігерлердің рецептімен ғана сатылуы тиіс препараттар еркін саудада жүр. Салдарынан құрамында есірткілік заттары бар дәріге тәуелді болатын жастар көбейіп барады. Мұндай бизнес нысандарымен күресуге шағын және орта бизнеске жарияланған мораторий қолбайлау көрінеді.
Еуразия бірінші арнасының тілшілері осындай дәріханаларды жағалап, құпия сөздің арқасында психотроптық дәрілердің қалай сатылатынына көз жеткізген еді.
Сыбырлап сөйлескен сатушының көзі алақ-жұлақ етеді. Мәулен 900 теңгені төлеп, түбіртекті көрсетті.
Жандос Тұяқов, заңгер:
ҚР Қылмыстық кодексінің 303-бабының 1-тармағында яғни 160 айлық көрсеткішке дейін жаза көрсетілген. Қылмыстық кодекстің 230-бабында 2-бөлігі бар. Егер де істеген іс әрекеттің салдарынан қандай да бір азаматқа ауыр зардап келтірген жағдайда 3 жыл бас бостандығынан айыруды қарастырған және қосымша жасза ретінде 3000 айлық көрсеткішке дейін яғни айыппұл қарастырылған.
Шағын және орта бизнесті тексеруге жарияланған мораторий осындай дәріханаларға майдай жақты. Салдарынан психотропты препараттарды пайдаланушылар көбейді. Тұрғындардан тыныш кетті.
Азамат, қала тұрғыны:
Осы күнде жас балалар келеді осы жерге. Бірнәрселерді білмеймін, кіреді 10 секундта болмайды шығып кетеді ішінен. Күні бойы, түні бойы көршілердің подъездерінен шприц табыла бастады. Кішкентай балалар түріне қарасаң 18-ге де толмаған балалар. Күні бойы түні бойы, түнгі бесте келсеңіз де ашық тұрады.
Ескеретін жайт, есірткісі бар дәріні ішкен баланың бойынан ештеңе байқалмайды. Иіс те жоқ, есі де дұрыс боп көрінеді. Тек кейін қызығушылық тәуелділікке айналған кезде.
Баян Ахатаева, қоғам белсендісі:
Олар қояншық ауруы сияқты судорожный припадоктар болады баланың бойында. Трамадол сияқты дәріні пайдаланған жасөспірім ағзасы 3-4 жылдан кейін өлімге әкеп соғады.
