Қазақстанда COVID-19 бойынша өлім-жітім көрсеткіші күрт төмендеді
zakon.kz
25 ақпандағы жағдай бойынша Қазақстан Республикасында коронавирус инфекциясына шалдыққандар арасындағы өлім-жітім туралы ақпарат жарияланды, деп хабарлайды zakon.kz.
25 ақпандағы жағдай бойынша 20 342 адам КВИ-ден ем-дом алып жатыр, (13 261: КВИ + және 7 081: КВИ-), оның 4 538-і стационарда, ал 15 804 науқас амбулаториялық деңгейде ем алуда.
КВИ + және КВИ- науқастар арасында:
• ауыр жағдайдағылар - 240 науқас,
• жағдайы өте ауырлары - 53 науқас;
• жасанды тыныс алу аппаратына қосылғаны - 46 науқас.
25 ақпандағы жағдай бойынша коронавирус инфекциясынан 3 адам көз жұмды. 13 наурыздан бастап КВИ-дан барлығы 2 721 адам қайтыс болды.
COVID-19 белгілері бар пневмонияға шалдығушылар туралы мәліметтер
2021 жылдың 23 ақпанындағы жағдай бойынша пневмонияның 74 жағдайы, 4 кісі өлімі тіркелді, ем алған 211 адам жазылды.
2020 жылдың 1 тамызынан бастап тіркелген деректер:
Пневмонияға шалдыққандардың жалпы саны - 49 121, кісі өлімі - 619, емделіп жазылғандардың барлығы - 41 421 адам.
