Елімізде COVID-19 бен пневмония бойынша өлім-жітім саны күрт төмендеді

20 қыркүйектегі мәлімет бойынша, 70 290 адам коронавирус инфекциясынан (61 705 КВИ+ және 8 585 КВИ-) ем-дом алып жатыр.

Денсаулық сақтау министрлігі 2021 жылғы 20 қыркүйектегі жағдай бойынша коронавирус инфекциясына шалдыққандар туралы ақпаратпен бөлісті, деп хабарлайды zakon.kz.

20 қыркүйектегі мәлімет бойынша, 70 290 адам коронавирус инфекциясынан (61 705 КВИ+ және 8 585 КВИ-) ем-дом алып жатыр, олардың ішінде 13 333-і стационарда, 56 957 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

- 1 051 адамның жағдайы ауыр,

- 278 науқастың жағдайы өте ауыр,

- 143 науқас ӨЖЖ аппаратында жатыр.

2021 жылғы 20 қыркүйектегі мәлімет бойынша, вакцинаның I-компонентін 7 300 062 адам, II компонентін 6 161 154 адам алды.