Желідегілер апаттан кейін өртенген өзеннің видеосын қызу талқылап жатыр

9 Наурыз 2021, 12:41
Сурет: stopfake.kz

Әлеуметтік желідегілер өртеніп жатқан өзеннің видеосы қызу талқылап жатыр. Бұл мұнай құбырындағы апаттан кейін болған оқиға деген болжам да келтіріледі, алайда ол видеоның Қазақстанға еш қатысы болмай шықты, деп хабарлайды zakon.kz.

@osa_uka_vko танымал өскемендік Instagram-аккаунтында жарияланған роликте автор мұз басқан өзен бетіндегі өрт түсірілген. Сондай-ақ, онда "Мұнай құбырындағы апаттан кейін өрт шықты" деп жазылған. Бұдан басқа ақпарат болмағандықтан, оқырмандар бұл оқиға Қазақстанда орын алған деп ойлаған.

"Шын мәнінде, Instagram парақшада видеоның қысқартылған нұсқасы жарияланған. Түпнұсқада автор "Өзен өртеніп жатыр" дегеннен кейін, оның "Обь" өзені екенін нақтылап өтеді. Алайда, қазақстандық Instagram парақшасының әкімшілері оқырмандарды қызықтыру үшін роликтің осы бөлігін қиып тастаған" деп хабарлайды stopfake.kz.

7 наурызда Обь өзенінің Нижневартовск маңындағы бөлігінде өрт шыққан. Тілсіз жау жер асты мұнай құбырындағы апат салдарынан туындаған. Оқиғаны сол жерде жүрген балықшылар түсіріп алған. Қатты күйік шалған куәгерлердің бірі ауруханаға түсті. БАҚ-тың хабарлауынша, өзенге 700 тонна мұнай өнімдері төгілген. Қазіргі кезде тергеу комитеті мен Нижневартовск қалалық прокуратурасы төтенше жағдайды тергеуде.

Видеоның толық нұсқасы мынау екен:


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?