Семейдегі атауы жоқ көшеге Нұрсұлтан Назарбаев есімі беріледі

Семей қаласының ақпараттық орталығы

Барлық мәселе бойынша шешімдер бірауыздан қабылданды.

Бүгін Семей әкімі Нұрымбет Сақтағановтың қатысуымен қалалық мәслихаттың кезектен тыс бесінші сессиясы өтіп, отырыста төрт мәселе қаралды. Алғашқы үшеуі ведомствоаралық комиссиялардың құрамы жөнінде болса,ал төртіншісі – Қарағайлы жаңа ықшам ауданындағы даңғылға Тұңғыш Президенттің есімін беру туралы болды, деп хабарлайды zakon.kz.

Даңғыл Қарағайлы ауданындағы Семей-Павлодар автожолынан бастау алады. Сол жағында көпсалалы мәдени-спорт кешені, Назарбаев Зияткерлік мектебі, ал оң жағында жаңадан тұрғызылған тұрғын үйлер мен балабақша орналасқан.

- Болашақта мұз айдыны кешенін, білім және технологиялар трансфері мектебін ашу жоспарлануда. Бірнеше функционалдық аймақтар, серуендеу аймақтары, қоғамдық тамақтану жерлері, балаларға арналғанойын және спорт алаңдары бөлінеді. Көшелерді жарықтандыру, орындықтар, қоқыс жәшіктерін және шағын сәулет нысандарын орнату қарастырылған, - деді Семей қаласының әкімі Нұрымбет Сақтағанов.

Аталған даңғылдың әзірге атауы жоқ.