Жаңаөзенде "Жұмыс жасаймын" жобасы іске асырылуда

Жаңаөзен қаласы әкімдігінің баспасөз қызметі

Қызылсай ауылындағы дәрігерлік амбулатория құрылысында 85 адам жұмыс істеп жатыр.

Жаңаөзен қаласында тұрғындардың жұмыспен қамтылуына ықпал ету мақсатында "Жұмыс жасаймын" жобасы іске асырылуда. Бұл туралы Жаңаөзен қаласы әкімдігінің баспасөз қызметі хабарлайды.

Биыл 1 сәуірден Жаңаөзен қалалық жұмыспен қамту орталығында тіркеуде тұрған азаматтарды "Жұмыс жасаймын" жобасы арқылы жұмыспен қамту жоспарлануда. Қазіргі уақытта жұмыссыздар кезегінде 76 адам тұр. Олардың ішінен 28 адамға "СтройПластАктау" ЖШС мекемесі, 48 адамға "Korkem Alem" ЖШС мекемесі жұмыс береді.

Бұдан бөлек, Рахат ауылында сиымдылығы 300 орындық мәдениет үйінің құрылыс жұмыстарында 85 адам, Қызылсай ауылындағы дәрігерлік амбулатория құрылысында 85 адам жұмыс істеп жатыр.