Нығматулин Жапонияның Қазақстандағы елшісін қабылдады

Мәжілістің баспасөз қызметі Мәжілістің баспасөз қызметі
Бүгінде Жапония Қазақстанның маңызды стратегиялық әріптестерінің бірі саналады.

Бүгін Мәжіліс Төрағасы Нұрлан Нығматулин Жапонияның Қазақстандағы Төтенше және Өкілетті елшісі Тацухико Касаиды қабылдады, деп хабарлайды zakon.kz Мәжіліс аппаратының баспасөз қызметіне сілтеме жасап.

Палата Спикері елшінің қазақстандық-жапондық қарым-қатынасты, соның ішінде, парламентаралық байланысты нығайтуға қосқан айрықша еңбегіне тоқталды.

Бүгінде Жапония Қазақстанның маңызды стратегиялық әріптестерінің бірі саналады.

Нұрлан Нығматулин атап өткендей, біздің елдерімізді бейбіт өмір құндылықтары, әлеуметтік-экономикалық дамуды қамтамасыз етуге бағытталған ортақ ұстанымдар біріктіреді.

Мәжіліс Төрағасы Нұр-Сұлтан мен Токио арасындағы дәстүрлі достық өзара тиімді әріптестік және ынтымақтастық негізінде жоғары деңгейде даму жолына түскенін алға тарта келіп, бұл бағытта Қазақстанның Тұңғыш Президенті Нұрсұлтан Назарбаевтың рөлі зор екенін атап өтті.

Қазіргі уақытта Мемлекет Басшысы Қасым-Жомарт Тоқаев аталған елмен қатынасты одан әрі тереңдетуге көңіл бөліп келеді.

Өз кезегінде Тацухико Касаи биыл Тәуелсіздігіне 30 жыл толатын Қазақстан, осы уақыттар ішінде толағай табыстарға қол жеткізгенін, бұл тиімді саяси басшылықтың және бірлігі жарасқан халықтың ерен еңбегі екенін айтып, шынайы ризашылық сезімін білдірді.

https://static.zakon.kz/uploads/posts/2021-04/thumbs/1617605375_d1265447-37c0-4df3-a22e-9e07a40cc3dd.jpg

zkadm
Басты Топ LIVE Бәрі
bellz
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз