ҚР СІМ Иорданиядағы жағдайға байланысты мәлімдеме жасады

6 Сәуір 2021, 16:48
Сурет: ҚР СІМ

ҚР Сыртқы істер министрлігі Иорданиядағы жағдайға байланысты мәлімдеме жасады, деп хабарлайды zakon.kz.

"Қазақстан Республикасының Сыртқы істер министрлігі Таяу Шығыстағы негізгі серіктестерінің бірі болып табылатын Иордан Хашимит Корольдігінде болған оқиғаны мұқият бақылауда. Қазақстан Король Абдалла II Иордания халқының әл-ауқатын жақсартуға, аймақтық тұрақтылық пен әлемдік қауіпсіздікті қамтамасыз етуге бағытталған саясатын қуаттайды", деп хабарлады ҚР СІМ баспасөз қызметі.

Қазақстан Иордания басшылығының ішкі саяси тұрақтылықты сақтау жолында қабылдаған шараларын толық қолдайды.

2017 жылғы қарашада Король Абдалла ІІ ядролық қарусыз әлем және жаһандық қауіпсіздік атты алғашқы Назарбаев сыйлығымен марапатталды.

Айта кетсек, шетелдік БАҚ мәліметтеріне сүйенсек, 3 сәуірде Иорданияда билік төңкерісінің алды алынды. 20 шақты адам қамауға алынды, оның ішінде король отбасына қатысты адамдар да бар. 4 сәуірде ханзада Хамзеға шетелдік көмекті пайдалана отырып, ел ішіндегі жағдайды шиеленістіруге тырысты деген айып тағылды.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?