Теңіздегі зауыттан жарты сағат бойы сары түтін будақтаған. Экологтар дабыл қақты

7 сәуірде Атырауда Теңіз кенішіндегі мұржадан ауаға сары түтін будақтай жөнелген, деп хабарлайды zakon.kz.

Экология министрлігі 7 сәуірде "Теңізшевройл" ЖШС-ның ластаушы заттардың ауаға таратуы фактісі бойынша тексеру жүргізуге ниетті екенін мәлімдеді.

"2021 жылғы 7 сәуір сағат 15:20-да КТЖ-2-нің 4-жолындағы С511 қондырғысының жұмысы автоматты бұғаттағыш іске қосылғандықтан тоқтап қалған. Салдарынан ластаушы заттар (сары түтін) түтін мұржасы арқылы қоршаған ортаға шығарылған. Жарты сағаттан кейін зауыттың дабылы іске қосылды. 10 минуттан соң ауаға ластаушы заттың бөлінуі тыйылды, делінген Экология министрлігі хабарламасында.

Бұл оқыс оқиға салдарынан ешкім зардап шеккен жоқ, оның мән-жайлары анықталып жатқаны да хабарланды.

"Атырау облысы бойынша экология департаментімен жоғарыда көрсетілген фактілерге қатысты "Теңізшевройл" ЖШС-не жоспардан тыс тексеру тағайындау мәселесі қарастырылуда. Қабылданған шаралар туралы қосымша хабарланады", - деді құзырлы ведомствадағылар.

Оқи отырыңыз

Атырау қаласының әкімі кенеттен қайтыс болды деген фейк ақпарат тарады

22:29, 19 сәуір 2024

Алматыда құтқарушылар өртеніп жатқан пәтерден қолында баласы бар әйелді алып шықты

19:43, 19 сәуір 2024

Қоғам белсендісі Түркістан облысында 2,2 млрд теңгеге салынған бөгетті таппай қалды – шенділер не дейді

17:55, 19 сәуір 2024