Қарулы Күштерде 12 мыңнан астам адам короновирусқа қарсы екпе салдырды

20 Сәуір 2021, 11:07
Сурет: ҚР ҚМ

Қорғаныс министрлігінде өткен аппарат кеңесінде ел әскерінің тыныс-тіршілігіне қатысты өзекті мәселелер қаралды, деп хабарлайды zakon.kz.

Кеңесте, "Қалқан-2021" жедел-тактикалық оқу-жаттығуының қорытындылары баяндалып, онда Қарулы Күштердің, Шекара қызметінің және Ұлттық ұланның мемлекеттік шекараны күшейту жөніндегі бірлескен практикалық іс-қимылдары алғаш рет пысықталған болатын. Оқу-жаттығу барысында арнайы операциялар күштерінің құралымдарын ауқымды қатыстыру жүзеге асырылып, онда әскерлер іс-қимылдардың жаңа нысандары мен әдістерін, тактикалық тәсілдерін қолданды.

Қорғаныс министрі бұл ретте, оқу-жаттығу нәтижелерін талдау негізінде әскерлерді жауынгерлік және жедел даярлау үрдісіне маневрлер барысында тиімділік көрсеткен тәжірибені енгізуге нұсқау берді.

Қысқы оқу кезеңінің аяқталуына байланысты полигондар мен оқу алаңдарын оқ-дәрілер қалдықтарынан тазарту бас қолбасшыларға, қолбасшыларға тапсырылды. Бұдан өзге, қару-жарақ пен әскери техниканы жазғы пайдалану режиміне ауыстыруды уақтылы орындау қажеттігі және бұл іс-шаралар жазғы оқу кезеңіне қарай аяқталуы тиістігі айтылды.

Әскерге шақыру науқанын жалғастыру барысында сондай-ақ, барлық санитарлық-эпидемиологиялық шаралардың сақталуына назар аударылды. Бұл шаралар әскерге баратындарды іріктейтін жергілікті әскери басқару органдарына да, жас сарбаздар келген соң карантиндік іс-шаралар жүзеге асырылуы тиіс әскери бөлімдерге де қатысты.

Бас әскери медициналық басқарманың бастығы жеке құрамға жүргізілген екпе жөнінде жеткізді. 19 сәуірдегі жағдай бойынша 12 мыңнан астам әскери қызметші мен Қарулы Күштердің азаматтық персонал өкілдері коронавирусқа қарсы екпе салдырған.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?