Бармақовтың жаңа қызметке тағайындалғаны туралы ақпарат жоққа шығарылды

12 Мамыр 2021, 17:18
Сурет: Inbusiness.kz

23 сәуірде Сайранбек Бармақовтың "ҚазАвтоЖол" ҰК " АҚ-тың Алматы облыстық филиалының директоры болып тағайындалғаны туралы хабарланды, алайда бүгін, 12 мамырда бұл ақпарат теріске шығарылды, деп хабарлайды zakon.kz.

Автомобиль жолдары комитетінің бұрынғы төрағасының тағайындауымен байланысты таратылған ақпаратқа қатысты түсінбеушілік орын алды. Ол үшін кешірім сұраймыз. Сайранбек Бармақов "ҚазАвтоЖол" ҰК" АҚ Алматы филиалының директоры қызметіне тағайындалмады және тағайындалмаған, деп хабарлады ҚР ИИДМ баспасөз қызметі.

Олар бұл ваканцияның бос тұрғанын атап өтті.

20 сәуірде Қазақстан Республикасы Президентінің баспасөз хатшысы Берік Уәли Қасым-Жомарт Тоқаевтың тапсырмасы бойынша республикалық және жергілікті маңызы бар автомобиль жолдарын салу мен жөндеу бойынша тәртіпті қалпына келтіру жұмыстары жалғасуда деп мәлімдеді. Осы саладағы бақылауды әлсіреткені үшін ҚР Индустрия және инфрақұрылымды дамыту министрлігі Автомобиль жолдары комитетінің төрағасы Бармақов, БҚО, СҚО, Ақтөбе облыстары әкімдерінің орынбасарлары Шакимов, Турков және Калауов қызметінен босатылды.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?