Қазақстан AstraZeneca вакцинасын алудан бас тартты

AstraZeneca вакцинасының өндірушілермен келіссөздер тоқтатылды. Оған осы вакцинаға қатысты жағымсыз жағдайлар негіз болды, деді "СК-Фармация" ЖШС басқарма төрағасы Ерхат Есқалиев, деп хабарлайды zakon.kz тілшісі.

- Барлық вакциналар бойынша келіссөздер жүргізіліп жатыр, бірақ AstraZeneca-мен келіссөздер тоқтатылды, себебі вакцинаның айналасында негатив өте көп. Pfizer бойынша келіссөздер үнемі жүргізілуде, бірақ жеткізу кестесі жоқ және белгілі бір талаптары бар, - деді Есқалиев.

Қалған вакциналарға келсек, кейбірі бойынша келіссөздер сәтті аяқталды.

- Бұл жұмыстармен Денсаулық сақтау министрлігі айналысады, үкіметтік деңгейде де жұмыстар жүргізілуде, CoronaVac вакцинасы бойынша Қытайдағы Қазақстанның елшілігі көмектесті, - деп нақтылады ол.

Сонымен бірге, Johnson & Johnson және Moderna вакциналары бойынша келіссөздер жүргізілуде, бірақ әзірге нәтиже жоқ екен.

- Олар бойынша өндіріс көлемі жоқ және кестелерді ешкім растамай отыр, сол үшін әзірге еш нәтиже жоқ, - деп түсіндірді "СК-Фармация" басшысы.

Дистрибьютор Pfizer-ге қатысты келіссөздерге қатыспайды, сондықтан нақты ақпарат жоқ.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021