Байқаңыз! Алаяқтар ХҚКО қызметкері болып, жұртқа хабарласып жүр

28 Маусым 2021, 11:31
Сурет: pxhere.com

Алаяқтық әрекеттердің жиілеуіне байланысты "Азаматтарға арналған үкімет" Халыққа қызмет көрсету орталығының қызметкерлері клиенттерге қоңырау шалмайтынын және олардан қарызды төлеуді немесе төлқұжат деректерін тексеруді сұрамайтындығын ескертеді, деп хабарлайды zakon.kz.

Мемлекеттік корпорация қызметкерлері борышкерлердің мәліметтер базасына кіруге құқығы да жоқ, яғни банктік шоттарды жауып, шетелге шығуға тыйым сала алмайды. Клиенттермен барлық байланыс тек 1414 бірыңғай байланыс орталығы арқылы жүзеге асырылады. SMS хабарламалары арқылы клиенттерге қолданыстағы брондар, құжаттарды даярлау процесінің аяқталуы немесе мемлекеттік қызметтің дайындығы туралы хабарлама жіберіледі, делінген ресми хабарламада.

Қазақстандықтардан қырағылық танытып, төлқұжат деректерін немесе электронды цифрлық қолтаңбаны бөтен адамдарға бермеуді сұрайды.

Жеке кабинетіңізге кіруге мүмкіндік ала отырып, қаскөйлер сіздің жеке ақпаратыңызды жеке мақсаты үшін пайдаланып кетуі мүмкін.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?