Ұлытау ауданында дала өртінен 23 жастағы жігіт қаза тапты

kt.kz kt.kz
Ұлытауды ораған от ырық берер емес.

Кең даланы көк түтінмен тұмшалаған тілсіз жау бір адамның өмірін жалмады. 23 жастағы жігіттің денесін құтқарушылар жанып кеткен көлік ішінен тапты. Қызыл жалын 200 бас малды да қырып кетті. Бүгін таңда арнайы мамандар өрттің 17 ошағын анықтап, 10-ын ауыздықтапты. Бірақ қауіп әлі сейілмеді. Сондықтан Қарағанды облысында төтенше жағдай жарияланды, деп хабарлайды zakon.kz "Еуразия" бірінші арнасына сілтеме жасап.

Қарағанды облысындағы жалпы ауданы 378 гектар далаға тараған өрттен қашып үлгермеген адам да, мал да бар. Кеше қызыл жалынмен арпалыс кезінде құтқарушылар 23 жастағы жігіттің денесін тапты. Арнайы мамандар оның неден көз жұмғанын анықтап жатыр. Ал, мына фотодан қынадай қырылған қойларды байқауға болады. Облыс әкімі Жеңіс Қасымбек 200 бас малдың қырылғанны хабарлады. Ал, тұрғындар қызыл жалын ай басында басталғанын айтады.

Нұрбек Рахметов, Байқоңыр ауылының тұрғыны:

1 мен 4 аралығында осы Байқоңыр ауылында апатты жағдай өрт болды. Осы өртке 2-сі мен 4-і күні МЧС-тен адамдар келіп көметесті. 60-70 километр жерде шаруа қожалықтарында мал шығындары болып жатыр.

Дала өрті Ұлытау, Қарқаралы, Осакаров, Бұқар Жырау, Шет, Нұра ауданындарын да шарпыды. Жеңіс Қасымбек оқиға орнында тәулік бойы 70 бірлік техника, 350-ден астам төтеншеліктер мен еріктілер жұмыс істеуде, дейді.

Мамандар қызыл жалынның әлі де қауіп барын айтады. Сондықтан бірнеше ауылдық округте төтенше жағдай жарияланды.

Талай күннен бері беті қайтпай тұрған аптап ыстық өңір тұрғындарына қиын тиюде. Ал жергілікті билік барлық шығын өтеледі деп отыр. Малы қырылған және жайылымдары өртеніп кеткен фермерлердің залалын бағалау жөнінде комиссия құрылғанын хабарлады.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз