Кәмелетке толмаған қызды зорлаған ауыл молдасы 20 жылға сотталды
ozodlik.mob
Қарағанды облысында қылмыстық істер жөніндегі мамандандырылған сот 40 жастағы молдаға жүкті болып қалған кәмелетке толмаған қызды зорлау фактісі бойынша үкім шығарды, деп хабарлайды zakon.kz.
Қылмыстық іс материалдарына сәйкес, ер адам облыстың аудандарының біріндегі мешітте ауыл молдасы болған. Сондай-ақ, ол зардап шеккен 14 жастағы қыздың ата-анасына шаруашылық жағынан көмектесіп жүрген. 2020 жылдың қаңтарында ол қыздың үйде жалғыз қалғанын пайдаланып, оны зорлайды. Оның есірткіге тәуелді екендігі де анықталды.
Сотта анықталғандай, осыдан кейін молда жасөспірімді тағы үш рет зорлаған: өткен жылдың ақпан, наурыз және маусым айларында. Салдарынан қыз жүкті болып қалған.
Сотталушының кінәсі дәлелденді. Сотта жәбірленушіден, оның заңды өкілдерінен, куәлардан жауап алынды, жүргізілген сараптамалардың нәтижелері және іс бойынша жиналған дәлелдемелер зерттелді. Прокурор сотталушыны ҚР Қылмыстық кодексінің 120-бабы 4-бөлігі бойынша ("Кәмелетке толмаған баланы зорлау") кінәлі деп танып, 20 жылға бас бостандығынан айыруды сұрады. Жәбірленуші тарап прокурордың талабымен келісті, деп хабарлады Қарағанды облысының қылмыстық істер жөніндегі мамандандырылған сотының баспасөз қызметі.
Сотталушы кінәсін ішінара ғана мойындады. Адвокаты оны жазасын жеңілдетуге тырысты.
Сот оны кәмелетке толмағанды бірнеше рет зорлағаны үшін кінәлі деп тауып, 20 жылға бас бостандығынан айырды.
Ол жазасын төтенше қауіпсіздік колониясында өтейтін болады. Сондай-ақ ол өмір бойы педагогикалық қызметпен айналысу құқығынан айырылды. Сотта айтылғандай, оның кінәсін жеңілдететін немесе ауырлататын мән-жайларды анықтаған жоқ. Мұндай қылмыстар үшін Қылмыстық кодексте 20 жылға бас бостандығынан айыру туралы жаза қарастырылған. Үкім шығарған кезде сот сотталушының бала кезінен үшінші топтағы мүгедек екенін, бұрын сотталмағанын және өз кінәсін ішінара мойындағанын ескерді. Жәбірленушінің пікірі де ескерілді. Үкім әлі заңды күшіне енген жоқ, - деп түсіндірді сотта.
Айта кетсек, жүкті қыздың ата-анасы былтыр 31 желтоқсанда полицияға арыз жазған.
Сол күні ҚР Қылмыстық кодексінің 120-бабы бойынша қылмыстық іс қозғалды. Кейін бұл адамның өзін имам деп атағаны белгілі болды. Бірақ ресми діни қызметкері екендігі, мүфтиятқа қатысы бар екендігі жоққа шығарылды.
