Елордалық ер адам жұмыстан сәл кеш шыққан екіқабат әйелін сабап тастады

Нұр-Сұлтанда мас ер адам екіқабат әйелін сабап тастады, деп хабарлайды zakon.kz.

Елордалық полицияның мәліметінше, 36 жастағы Астана тұрғыны жұмыстан сәл кешігіп шыққаны үшін қатты ашуланып, әйеліне қол көтерген.

Әйелі жұмыстан 15 минутқа кешігіп шығады. Үйге қайтып бара жатқанда күйеуі оны қорлап, балағаттаған. Бірақ жанжал мұнымен аяқталмаған, үйге барған соң ер адам әйеліне қол жұмсап, содан кетіп қалады. Таңертең үйіне мас күйінде оралған ер адам жүкті әйелін сабаған. Араға түспек болған енесіне де қол тиеді. Сол кезде үйдің үлкені учаскелік полиция қызметкеріне хабарласып, көмек сұрайды, деп нақтылады қалалық ПД.

Баспасөз қызметі лаң салғыш ер адамға қатысты әкімшілік іс қозғалғанын атап өтті. Сонымен қатар, бір жыл мерзімге мінез -құлқына қатысты арнайы талап қойылды.

Соттың шешімімен ер адам 15 тәулікке қамауға алынды, деп хабарлады полициядағылар.

Оқи отырыңыз

Батыс Қазақстан облысында суға батып бара жатқан бір үйір жылқы құтқарылды

17:17, 03 мамыр 2024

Алматы саябағында зейнеткерді өлтіріп кетті

15:02, 03 мамыр 2024

БАКАД арқылы жол жүру ішінара шектеледі

14:00, 03 мамыр 2024