Мамин 25 тамызға дейін мұғалімдерді вакциналауды аяқтауды тапсырды

zakon.kz/ Павел Михеев

Сондай-ақ, оның айтуынша, оқу орындарының дайындығына бақылауды күшейту керек.

Жаңа оқу жылы қарсаңына, яғни 25 тамызға дейін мұғалімдерді вакциналау жұмыстарын аяқтау қажет, деп тапсырды Үкімет басшысы Асқар Мамин бүінгі үкімет отырысында, деп хабарлайды zakon.kz тілшісі.

Вакцина қорын толықтыру шаралары жүргізіліп жатыр. Жаңа оқу жылына дайындық аясында 25 тамызға дейін мұғалімдер арасындағы вакцинациялау жұмыстарын аяқтау қажет, оқу орындарының дайындығына бақылауды күшейту керек, - деді Мамин.

Ол Маңғыстау, Атырау, Қостанай және Батыс Қазақстан облыстарында вакциналау процесінің қарқынын арттыруды тапсыра отырып, Алматы, Шымкент қалаларында және Түркістан облысында вакциналау жұмыстары жақсы көрсеткіштерге ие екенін атап өтті.

Шектеу шараларының сақталуын бақылауды жалғастыру қажет. Бұл үшін өңірлерде мониторингтік топтардың жұмысын жандандандырып, тиімділігін күшейту керек. Барлық өңірлердегі мемлекеттік органдар вакцина алу қажеттілігі туралы ақпараттық жұмысын кеңейтіп, "қызыл" аймақта орналасқан өңірлерде демалыс күндері локдаун режимін сақтау қажет, - деді Премьер-министр.

Оқи отырыңыз