Алматылық тиктокер мұғалім кибер сабақ беруге көшті

видеодан кадр видеодан кадр
Жаңа заманның жаңашылдығы.

Ютуб, тикток, түрлі білім платформалары! Қазір жаңа технологияның дамуымен киберпедагогика саласы трендте. Ұлағатты ұстаздарымыз дәстүрлі форматты қойып, шәкірттерін танымал желі арқылы тәрбиелеуде, деп хабарлайды zakon.kz "Еуразия" бірінші арнасына сілтеме жасап.

Бұл еліміздегі ең танымал тиктокер мұғалім Ұлан Үсенов. Алматының ұстазы оқушыларға химия пәнін қызықты өтудің заманауи әдісін ойлап тапқан. Жаңашыл педогогтың жаңа технологияны иегеріп қана қоймай, оқушыларға ең қиын пәннің формулаларын ұсынғаны көпшіліктің көңілінен шығуда. Бұл туралы "Еуразия" бірінші арнасы хабарлайды.

Жас ұстаздың тиктоктағы фолловерлерінің саны – 600 мыңнан асып жығылады. Конттентің 90 пайызы білімге арналған. Оның сөзінше, тіпті танымал әлеуметтік желінің өзі білімді насихаттауды қолдайды! Әрі үнемі оны дамытуға септігін тигізеді.

Ұлан Үсенов, химия пәнінің мұғалімі:

Жалпы Ресейде биология, математика секілді пәннің мұғалімдері аниме арқылы оқушыларға сабақ түсіндіреді. Ал химияны кездестірмедім. Қазіргі оқушылар мен ата-аналардың дені тиктокта отырады. Әрине, оқушылармен көзбе көз отырып сабақ берген тиімді, сол себепті онлайнды да оффлайнды қатар алып жүрген әлдеқайда тиімді.

Ютубтың қыр-сырын меңгерген Нұрғазы Қапбаров онлайн білім қала емес ауыл оқушыларына тиімді екенін алға тартады. Өйткені, үздік мұғалімнің әдістемесі ауыл балаларына қолжетімсіз. Ал ютуб және өзге де онлайн платформалар ізденген оқушыға ашық!

Нұрғазы Қапбаров, Ютуб мұғалімі:

Бір сапалы мұғалімнен 1000 оқушы білім алады бір мезетте. Екіншіден қолжетімділігі. Қашықтағы, ауылдағы оқушылар қаладағы үздік мұғалімнен білім ала алады. Тегін сабақ өттім, оқушылардың сұранысы жоғары.

Мамандардың пікірінше, алдағы бес жылда мұғалімдер онлайн платформаны жетік меңгеріп, оқушылардың білімге деген құштарлығын арттырады. Әзірге мұндай жаңа технологияны жетік білгендер некен-саяқ. Десе де киберпедогогика, сандық технология қазіргі ұрпаққа қажет екенні жоққа шығаруға болмайды, дейді онлайн білім платформасының жетекішісі Бөгенбай Серікбай.

Бөгенбай Серікбай, кәсіпкер:

Бұл өсіп келе жатқан поколение, осыған бейім! Толығымен консервативный қарап, мұғалімдер соған адаптация жасап, пайдалы ақпарат бере бастағаны дұрыс Бала интернеттен тәрбие алады деген абсурд қой негізі. Бала тәрбиені үйден ата-анасынан алады!

Айта кетейік, көрші Ресейде киберпедогоикига бұрыннан трендте. Мұғалімдер тіпті жазушылар санымен кәдімгі сайысқа түседі. Бірақ, мамандар дәстүрлі форматтың қашанда онлайн білімнен озық тұратынын естен шығармаған дұрыс деген пайымда.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз