Президент Жолдауын сапалы заңдармен қамтамасыз ету керек – Нығматулин

Ж. Жұмабеков Ж. Жұмабеков
Жолдауда әсіресе, агроөнеркәсіп, денсаулық, білім, аймақтар дамуы және басқа да бағыттарды нығайтуға ерекше көңіл бөлініп отыр.

Мәжіліс депутаттарының басты мақсаты – Жолдауда айтылған барлық бастамаларды сапалы заңдармен қамтамасыз ету. Бұл туралы бүгін Мәжіліс Төрағасы Нұрлан Нығматулин жетінші шақырылымның екінші сессиясындағы алғашқы жалпы отырыста айтты, деп хабарлайды zakon.kz.

Президенттің кезекті сессияны ашып, Парламент қабырғасында халыққа арнаған Жолдауын жариялағанын алға тартқан Палата Спикері:

-Мемлекет Басшысы Қасым-Жомарт Кемелұлы Тоқаевтың бүгінгі Жолдауы - Қазақстанымыздың тұрақтылығын сақтай отырып, одан әрі дамытуға арналған Стратегиялық Құжат. Себебі, Жолдауда саяси, әлеуметтік, экономикалық өсіп - өркендеудің нақты жолдары, нақты қадамдары көрсетілді,- деді.

Нұрлан Нығматулиннің пікірінше, Жолдауда әсіресе, агроөнеркәсіп, денсаулық, білім, аймақтар дамуы және басқа да бағыттарды нығайтуға ерекше көңіл бөлініп отыр.

Cонымен қатар, Мәжіліс Төрағасы бюджет-қаржы жүйесін жақсарту, елді саяси жаңғыртуды жалғастыру сияқты міндеттерге де назар аударып, осы тапсырмалардың барлығы Парламенттің алдағы кезеңдегі заң шығару жұмысы үшін де айқын бағыт бергенін атап өтіп, Мәжіліс депутаттарына, Қазақстан Президентінің Жолдауында белгіленген елді жүйелі жаңғырту үшін мықты заңнамалық базаны сапалы және жедел құру қажеттігіне тоқталды.

Мәжіліс Спикері депутаттар қарауындағы заң жобалары туралы айта келіп, қазір палатада қаралып жатқан өнеркәсіптік саясат туралы заң жобасына, ел Президенті әзірлеп, қабылдауды тапсырған агломерацияны дамыту, кәсіби біліктілік туралы заң жобаларына да назар аударды.

Нұрлан Нығматулин алдымызда әлеуметтік Кодекс жобасымен жұмыс тұрғанына, осы және басқа да заң жобалары бойынша барлық жұмысты, әдеттегідей, ашық және транспарентті түрде жүргізетінін, оған азаматтық қоғам, бұқаралық ақпарат құралдары өкілдерінің белсенді түрде қатысуымен өткізілетін атап өтті.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз