Ауыр атлетикадан ұлттық құрама бапкері қызметтен шеттетілді

wfrk.kz wfrk.kz
Ауыр атлет Линдердің өлімінен соң тексеріс басталды.

Қазақстан ауыр атлетика федерациясы атлет Альберт Линдер өз-өзіне қол жұмсап көз жұмған соң арнайы комиссия құрып, тексеріс бастады. Тексеріс кезінде ұлттық құраманың аға бапкері Сергей Седов уақытша қызметтен шеттетілді, деп хабарлайды zakon.kz centralasian.org-ке сілтеме жасап.

Жаттықтырушының құрамаға оралу-оралмауы комиссияның қызметтік тексерісінен кейін белгілі болмақ.

17 қыркүйекте ауыр атлет Альберт Линдер 25 жасында Талдықорғанда өзіне қол салып қайтыс болған соң марқұмның бауыры Семен Линдер мен басқа да ауыр атлеттер бұл қазаға Седовты айыптаған. Ауыр атлеттер "Седов спортшыларға психологиялық қысым жасайды, қол көтереді" деген.

Ал Семен Линдер ағасы Альберт Линдердің спорттан кетуіне Седовтың қысымы себеп болды деп мәлімдеді. Спортшылар Алматыда баспасөз мәслихатын өткізіп, Седовтың бапкерліктен кетуін талап етті.

Ауыр атлетика федерациясы құрған комиссияға мемлекеттік жаттықтырушы Меңдіхан Тәпсір; төрешілер Ольга Соловьева мен Александр Стерликов; допинг дауына ілініп, Лондон олимпиадасында алған алтынын қайтарып берген ауыр атлет Светлана Подобедова; Қазақстан ауыр атлетика федерациясының атқарушы директоры Алдияр Нұралинов кірген.

Ауыр атлеттің суицидінен соң Алматы облысы полиция департаменті қылмыстық іс қозғаған еді. Қазақстан ауыр атлетика федерациясы тергеуге қолдан келгенше көмектесетінін мәлімдеді.

Альберт Линдер 2017 жылы Азия чемпионатында және жазғы университетінде чемпион атанған.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз