Жаңалықтар тізбегі
0

Бас көлік прокуратурасы министрлік бұйрығының күшін жойды

zakon.kz, сурет - Zakon.kz жаңалық 13.10.2021 21:26 zakon.kz
Олар жаппай қауіп төндіру сылтауымен Мемлекет басшысының шағын бизнесті тексеруге жариялаған мароториін айналып өтудің жолын тапқан.

Бас көлік прокуратурасының наразылығы бойынша Индустрия және инфрақұрылымдық даму министрлігінің 2021 жылғы 8 маусымдағы "Жаппай қауіп" терминін айқындау жөніндегі ұсынымды бекіту туралы" заңсыз бұйрығының күші жойылды, деп хабарлайды zakon.kz.

Бұл бұйрық Мемлекет басшысының шағын бизнесті тексеруге мораториін айналып өтіп автомобиль, теміржол және су көліктері саласындағы кәсіпкерлердің қызметіне негізсіз араласуға мүмкіндік берген. Мораторидің күші халықтың өмірі мен денсаулығына, қоршаған ортаға, заңдылық пен қоғамдық тәртіпке жаппай қатер төндіретін субъектілерге қолданылмайды, - дейді Бас көлік прокуратурасы.

Аталған актіде қызметі "жаппай қауіпке" ұшыраған микро және шағын кәсіпкерліктің 45 түрінен тұратын тізім болғаны белгілі болды.

Мұндай қауіпке көлік құралдарын техникалық тексеру, тахографтарға электрондық карточкаларды дайындау және беру, такси қызметтерін көрсету бойынша жергілікті атқарушы органдарына бизнестің басталғаны туралы хабардар етпеу жатқызылған.

Бұл құқықтық акт саны шектелмеген кәсіпкерлердің мүдделерін қозғауына қарамастан, әділет органдарында тіркеуден өтпеген, делінген ведомства хабарламасында.

"Құқықтық актілер туралы" Заңның 19 және 51-баптарына сәйкес мұндай актілердің күшіне енуінің қажетті шарты – мемлекеттік тіркеу болып табылады.

Көліктегі кәсіпкерлер құқығының кез келген бұзушылықтары туралы Бас көлік прокуратурасының мобильді тобына хабарлауды сұраймыз: 8 7172 712251, 8 7172 301910 және 8 701 990 06 65.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: