Тоқаев Абдалла Әл аш-Шейхті ІІ дәрежелі "Достық" орденімен марапаттады

akorda.kz akorda.kz
Екі ел арасындағы тауар айналымын арттыру мәселелері талқыланды.

Қасым-Жомарт Тоқаев Сауд Арабиясы Корольдігі консультативтік кеңесінің төрағасы Абдалла Әл аш-Шейхті қабылдады, деп хабарлайды zakon.kz Ақордаға сілтеме жасап.

Қазақстан Президенті Сауд Арабиясын ислам әлеміндегі сенімді серіктес әрі Қазақстанның Тәуелсіздігін таныған алғашқы араб мемлекеттерінің бірі екенін атап өтті.

– Сауд басшылығымен әрдайым байланыстамыз. Тамызда Тақ мұрагері Мұхаммед бен Салман Әл Саудпен телефон арқылы әңгімелескен кезде бірқатар уағдаластықтарға қол жеткізілді. Ал қыркүйек айында Инвестиция министрі Халид әл-Фалихпен кездестім. Бұл байланыстар екі ел арасындағы ынтымақтастыққа серпін береді деп есептеймін, – деді Мемлекет басшысы.

https://static.zakon.kz/uploads/posts/2021-10/thumbs/1634629011_7-1.jpg

Кездесуде екіжақты сауда-экономикалық қарым-қатынастар талқыланды. Қасым-Жомарт Тоқаев сауд компанияларының әлемдік нарықтағы мүмкіндіктері мен тәжірибесін ескере отырып, Қазақстандағы жобаларға белсенді қатысуға шақырды.

https://static.zakon.kz/uploads/posts/2021-10/thumbs/1634629049_7-2.jpg

Сауд Арабиясы Корольдігі консультативтік кеңесінің төрағасы Абдалла Әл аш-Шейх қабылдағаны үшін Қазақстан Президентіне алғыс айтып, еліміздегі сапарының табысты өтіп жатқанын айтты.

– Мен бауырлас, достас Қазақстанға келгеніме қуаныштымын. Біз парламенттік деңгейде бірқатар жемісті кездесу өткіздік. Мұндай жүздесулер елдерімізді жақындастыра түседі. Мемлекеттеріміздің басшылары деңгейінде қабылданған шешімдерді жүзеге асыруда осындай сапарлардың мәні зор деп есептеймін, – деді Сауд Арабиясы Корольдігі консультативтік кеңесінің төрағасы.

https://static.zakon.kz/uploads/posts/2021-10/thumbs/1634629006_7-3.jpg

Сонымен қатар екі ел арасындағы тауар айналымын арттыру мәселелері талқыланды.

Кездесу соңында Қасым-Жомарт Тоқаев Абдалла Әл аш-Шейхті ІІ дәрежелі "Достық" орденімен марапаттады.

Бақытжан Отарбаева

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз