Төтеншеліктер астаналықтарға ескерту жасады

Нұр-Сұлтан қаласында дауылды ескерту жарияланды, деп хабарлайды zakon.kz.

Нұр-Сұлтан қалалық ТЖД "Қазгидромет" РМК деректеріне сүйене отырып, 23 қазанда оңтүстік-батыстан екпіні 17-22 м/с жел күтілетіні туралы хабарлайды. Дауыл кезінде, ең алдымен, тұрғын үйлердегі электр желілері мен жабдықтардың, жылыту пештерінің жай-күйін тексеру, ішкі және сыртқы өртке қарсы сумен жабдықтаудың, телефон байланысының дұрыстығын қамтамасыз ету, өртке қарсы құрал-саймандарды дайындау қажет. Пәтердегі электржелісі кернеуінің өзгеруінде барлық тұрмыстық электр құралдарын дереу тоқтан ажыратып, электр кенеттен қосылғанда өрт болмайтындай сұққыштан тоқты суырып алыңыз. Сондай-ақ жеке көлігіңізді ағаштар мен ескі құрылыс алаңдарынан алшақ қоюға, пәтеріңіздің немесе үйіңіздің терезесін тығыз жабуға ұсыныс береміз, делінген төтеншеліктер хабарламасында.

Құрылыс объектілері қолайсыз ауа райы жағдайы әсерінен аумақтарды және тұрғындарды қорғау, құрылыс алаңдарында мүмкіндігінше құрылыс-монтаж жұмыстарына шектеу бойынша қосымша шараларды қабылдау қажет.

Төтенше жағдай туындаған жағдайда "112" нөміріне қоңырау шалыңыз, - дейді Нұр-Сұлтан қалалық ТЖД баспасөз қызметі.

Оқи отырыңыз

Алматыдағы түңгі клубта арнайы операция өткізілді

11:03, 25 сәуір 2024

Қазақстанның екі облысында жоғары лауазымды полицейлер қайтыс болды

10:29, 25 сәуір 2024

Атырау облысының полициясы егіз баланы зорлау фактісіне қатысты тың мәліметпен бөлісті

17:13, 24 сәуір 2024