Көрші елдегі эпидахуалға байланысты Павлодар облысында локдаун енгізілуі мүмкін бе?

zakon.kz zakon.kz
Бүгінгі таңда Ресейде коронавирус инфекциясы қайта бас көтеріп жатқаны айтылады.

Ресейдегі эпидахуалға байланысты Павлодар облысының тұрғындары локдаун біздің өңірімізге де жетеді деген ойда, деп хабарлайды zakon.kz.

Pavlodarnews.kz облыстық денсаулық сақтау басқармасы басшысының сөзін келтіре отырып, жалпы, өңірде барлық карантиндік шаралар сақталса, онда локдаун енгізілмейді, деп хабарлайды.

Айта кетсек, Ресей үкіметі мүшелерімен кездесуде Путин қазір "Індеттің жаңа толқынының шыңын азайту керек", - деді. Сонымен қатар, ол 30 қазаннан 7 қарашаға дейін жұмысшылардың жалақысын сақтай отырып, бүкіл ел бойынша жұмыс істемейтін күндерді жариялау туралы ұсынысты қолдады.

Өңірлік коммуникациялар қызметінде өткен баспасөз конференциясында облыстық денсаулық сақтау басқармасының басшысы Айдар Сейітқазиновтың айтуынша, Ресей азаматтары Павлодарға ПТР анықтамаларымен кіре алады. Егер Ресейден келген азаматтарымызда ПТР нәтижесі болмаса, оларды карантинге жауып, талдау жасап, бақылауда болады.

Шекарада бақылау бар, бірақ біз асимптоматикалық вирус тасымалдаушылары бар екенін білеміз оларда ауру кейінірек пайда болуы мүмкін. Жалпы, егер барлық карантиндік шаралар сақталса, онда біздің өңірге локдаун енгізудің қажеті болмайды деп ойлаймын. Бұл науқастардың санына байланысты болады, - деді Айдар Сейітқазинов.

Айта кетелік, Павлодар облысында коронавирус жұқтырғандардың саны күрт артты. Өткен тәулікте коронавирус инфекциясын жұқтырған 1 742 жағдай тіркелді. Елімізде коронавирус инфекциясын жұқтырғандар саны 924 802 жетті.

Денсаулық сақтау басқармасы павлодарлықтарды коронавирусқа қарсы вакцина салдыруға шақырады.

Медициналық мекемелерде 153 егу пункті, сауда үйлерінде, кәсіпорындарда және басқа да объектілерде 14 пункт орналастырылды.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз