Ақтөбеде сабақ кезінде шыбын-шіркейді улауға рұқсат берген завуч жұмыстан қуылды

zakon.kz

Нақты сабақ кезінде өткізгені үшін мектептің директорына және қалалық білім бөлімінің басшысына қатаң тәртіп жазасы қолданылды, қатаң сөгіс түрінде.

Ақтөбеде шыбын-шіркейдің кесірінен мектептің шаруашылық меңгерушісі жұмыстан қуылды. Ол білім ошағының жертөлесіндегі зиянкестерді улатпақшы болғаны үшін басы бәлеге қалды, деп хабарлайды zakon.kz.

Желіде осыдан екі апта бұрын №9 гимназияның оқушылары түсірген видео пайда болды. Сабақ кезінде бөлмені түтін алып кетеді. Өрт шықты деп шошынған балалар далаға атып шыққан. Сөйтсе мектептің жертөлесіне шыбын-шіркей мен тышқан улауға дизенфекция мамандары түтіндік қойыпты. Ал мектеп директоры: "Сабақтың аяқталғанын күтпей улаулаға рұқсат берген – шаруашылық меңгеруші" деп ақталды. Сондықтан басшы тек қатаң сөгіспен құтылды. Сондай-ақ каникулды күтпей шыбын-шіркей улауға жол бергені үшін қалалық білім бөлімінің басшысы да жазасыз қалмады. Оған да сөгіс жарияланған.

Нұргүл Бертілеуова, Ақтөбе облысы білім басқармасы басшысының орынбасары:

Нақты сабақ кезінде өткізгені үшін мектептің директорына және қалалық білім бөлімінің басшысына қатаң тәртіп жазасы қолданылды, қатаң сөгіс түрінде. Сонымен бірге осы шараның басы-қасында болған мектеп-гимназияның шаруашылық ісі жөніндегі орынбасары жұмыстан босатылды.

Оқи отырыңыз