16:35 08.12.2021

Аяқкиім өндірушілер таңбалау шығындарының 50%-ын өтеуге өтінім бере алады

Сурет: Zakon.kz
Шығындарының бір бөлігін өтеу қағидаларын бекіту туралы қағидалары өзгерді

ҚР Индустрия және инфрақұрылымдық даму министрлігі отандық аяқкиім өндірушілер таңбалау шығындарының 50%-ын өтеуге өтінім бере алатынын хабарлайды.

Бұл үшін индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша шығындарының бір бөлігін өтеу қағидаларын бекіту туралы қағидаларына өзгерістер енгізілді.

Қағидаларға сәйкес, «жеңіл өнеркәсіп субъектілерінің аяқкиім өнімін таңбалауға арналған бағдарламалық қамтамасыз етуді қоса алғанда, сәйкестендіру құралдарын салуға арналған жабдықты сатып алуға байланысты шығындары өтелуге жатады», оның ішінде:

- сәйкестендіру құралдарын сатып алуға (сатуға);

- өнімді шығару сатысында сәйкестендіру құралдарын түсіру бойынша баспаханалық қызметтерді сатып алуға (сатуға);

- инженерлік бағдарламалық қамтамасыз етуді қоса алғанда, сәйкестендіру құралдарын немесе материалдық жеткізгіштерді салуға арналған жабдықты сатып алу арқылы өндірісті қайта жарақтандыру шығындары.

Осылайша, өндірушілерге өтеуге ұсынылатын соманың 50%-ы мөлшерінде, бірақ 10 мың АЕК-тен аспайтын негізделген және құжатпен расталған шығындар өтеледі.

Айта кетейік, шығындарды өтеу бойынша мемлекеттік қызметті «QazIndustry» қазақстандық индустрия және экспорт орталығы» АҚ көрсетеді. Кәсіпкерлерге қызметті алу үшін ұйымның кеңсесіне жүгіну немесе www.egov.kz веб-порталы және www.qazindustry.gov.kz веб-порталы арқылы өтініш беру қажет. Мемлекеттік қызметті көрсету мерзімі – 8 жұмыс күні. Қажетті құжаттар тізбесі жоғарыда аталған Қағидалардың 4-қосымшасында ұсынылған.

Өтінімдерді қабылдау туралы хабарландыру бұқаралық ақпарат құралдарында, «QazIndustry» интернет-порталында, әлеуметтік желілерде орналастырылады.

Тауарларды цифрлық таңбалау мәселелері бойынша консультациялар үшін тәулік бойы тегін «жедел желі» жұмыс істейді - 8 800 080 65 65. Сондай-ақ, markirovka.kz сайтында таңбалау бойынша пайдалы ақпарат орналасқан.

Главная Топ новости Zakon LIVE Все новости