Жаңалықтар тізбегі
0

Қазақстанда инфляцияға қандай факторлар әсер етуде – Досаев

Қазақстандағы инфляция, сурет - Zakon.kz жаңалық 09.12.2021 09:37 Сурет: primeminister.kz
2022 жылы инфляцияның баяулауы күтіледі

Үкімет отырысында ҚР Ұлттық банкінің төрағасы Ерболат Досаев Қазақстандағы инфляция туралы айтып, 2022 жылға қатысты болжамдарын ұсынды, деп хабарлайды Zakon.kz

Қазақстанда биылғы жылғы қарашаның қорытындысы бойынша жылдық инфляция 8 айда алғаш рет азық-түлік инфляциясының 11,3%-дан 10,9%-ға дейін, сондай-ақ ақылы қызметтердің 6,9%-дан 6,4%-ға дейін баяулауы аясында 8,9%-дан 8,7%-ға дейін баяулады. Қарашада айлық инфляция 0,7% болды және 5 жыл ішінде орташа мәннен төмен қалыптасты. ҚР Ұлттық банкінің төрағасы Ерболат Досаев

Ол биылғы жылғы қарашаның соңынан бері коронавирустың "Омикрон" жаңа штаммының таралуынан және әлемде өсіп келе жатқан геосаяси шиеленістен туындаған жоғары белгісіздік аясында әлемдік қаржы және тауар нарықтарындағы құбылмалылық өскенін атап өтті.

Әлемнің ірі экономикаларындағы инфляция жаңа ең жоғары деңгейге жетті. Биылғы жылғы қазанның қорытындысы бойынша АҚШ-та инфляция 6,2%-ға дейін 30 жылдық ең жоғары деңгейге жетті, Ресейде инфляция 5 жылдық ең жоғары деңгей – 8,1%-ға дейін өсті. Еуроаймақта қарашада инфляция еуро енгізілген кезден бастап ең жоғары деңгей – 4,9%-ға жетті. ҚР Ұлттық банкінің төрағасы Ерболат Досаев

Инфляцияның жылдық баяулауын және коронавирустың Омикрон жаңа штаммының пайда болуына байланысты белгісіздіктің өсуі аясында  Ұлттық банк биылғы жылғы 6 желтоқсанда базалық ставканы 9,75% деңгейінде сақтау туралы шешім қабылдады. 

«Қараша-желтоқсан» болжамды раунды шеңберінде Ұлттық банк негізгі макроэкономикалық көрсеткіштердің болжамдарын жаңартты. 2021 жылы жоғары базадан шығуды және сыртқы инфляциялық қысымның біртіндеп қысқаруын ескерсек, 2022 жылы шарықтау шегі бірінші тоқсанда орташа есеппен тоқсан ішінде 8,8% болжанатын инфляцияның баяулауы күтіледі.

Жаңартылған базалық сценарийге сәйкес мұнай бағасы бір баррель үшін 70 АҚШ доллары болған кезде инфляция 2022 жылдың соңына таман инфляцияға қарсы ден қою шараларының кешенін тиімді іске асыруды ескере отырып, 6,0-6,5% болады. ҚР Ұлттық банкінің төрағасы Ерболат Досаев
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: