Ресейдің Бас Штабы Киевке Донбастағы арандатушылықты тоқтатуға дайын екенін ескертті
Сурет: Zakon.kz
Ресей Қарулы Күштері Бас штабының бастығы Валерий Герасимов Донбастағы жағдайды күшпен реттеу үшін Киев тарапынан кез-келген арандатулар тоқтатылатынын айтты.
РФ ҚК Бас штабының бастығы Валерий Герасимов шетелдік әскери атташелер қатысқан брифингте "Ресей Украинаға басып кіргелі жатыр" деген ақпаратты жоққа шығарды.
Украина Қарулы Күштері Америка Құрама Штаттары жеткізген "Джавелин" танкке қарсы зымыран жүйелерін Донбаста қолдана бастағанын, сондай-ақ Түркия өндірісінің барлау және соққы беретін ұшқышсыз ұшақтарын пайдаланатынын мәлімдейді. Бұл жағдайды одан әрі ушықтырып, Киев Минск келісімдерін орындамай отыр. Ресей Қарулы Күштерінің Бас штабы Валерий Герасимов
Сонымен қатар Герасимов НАТО елдері Ресей Федерациясының аумағы арқылы әскерлердің қозғалысына көп көңіл бөлетінін, алайда жауынгерлік даярлық барысында бөлімшелерді көшіру кез келген мемлекеттің қарулы күштері үшін әдеттегі тәжірибе екенін айтты.
Соңғы уақытта Батыс бұқаралық ақпарат құралдары "Ресейдің Украинаға басып кіруі" тақырыбын жиі көтеріп жүр. Бұл тұста Киевте шекара маңы тыныш, дегенімен Мәскеу көршісіне шабуыл жасаудан тайынбайды деп мәлімдеді.
Ресей бұл айыптауларды теріске шығарды.
Ресейдің ешқандай агрессивті жоспары жоқ. Ешкімге шабуыл жасамайды және әскерінің өз аумағы арқылы жүріп-тұруы ешкімді алаңдатпауы керек.Кремльдің ресми өкілі Дмитрий Песков
