Жаңалықтар тізбегі
0

Венгриялық режиссер Алматы облысында фильм түсірді

Тамаш Тот, сурет - Zakon.kz жаңалық 09.12.2021 17:45 Сурет: "Қазақфильм" АҚ
Фильм «Өліара» деп аталады

Венгриялық режиссер Тамаш Тоттың «Өліара» фильмінің соңғы түсірілімдері Алматы облысы Кербұлақ ауданы Балғалы станциясының маңында өтті. Тарихи кинотуындыны ҚР Мәдениет және спорт министрлігі тапсырысы бойынша Ұлттық киноны қолдау мемлекеттік орталығы қолдауымен Ш.Айманов атындағы «Қазақфильм» киностудиясы түсірді, деп хабарлайды Zakon.kz.

Фильмнің соңғы түсірілімдеріне еліміздің бір топ журналистері барып қайтты.

– Бүгін біз басты кейіпкердің Қазақстанға келген сәтін түсірдік. Бұл сахна фильмнің басында көрсетіледі. Сол үшін ескі паровоз бен вагондар «Қазақстан темір жолы» компаниясы арқасында осы жерге жеткізілді. Түсіру жұмыстарына күн сайын 50-ден астам адамдар (массовка) қатысты. фильмнің продюсері Олжабай Мұсабеков

– Басында фильмді қыс мезгілінде түсіреміз деп жоспарлаған болатынбыз. Уақыттың тығыздығынан сценарийді сәл өзгертіп, қазан айында түсірілімдерді бастап кетуге мәжбүр болдық. Негізгі түсірілімдер Алматы облысы Кеген ауданы Жалаңаш ауылының маңында өтті. Тәжірибелі және кәсіби командамыздың арқасында түсірілімдерді уақытылы аяқтадық, - деді режиссер Тамаш Тот.

Сонымен қатар режиссер фильмнің актерлері туралы сөз алып, басты рөлге Венгрияның театр және кино актері Петер Барнайды (Péter Bárnai) шақырғанын айтты. Сондай-ақ фильмге Алдабек Шалбаев, Ержан Нұрымбет сынды басқа да отандық актерлер түскенін айта кету керек.  

– Фильмге түскен актерлеріміз өте мықты. Бұл жобаға талантты актерлер жиналды. Мысалы, Венгриядан жас актер Петер Барнайды арнайы шақырттық. Осы уақыт аралығында ол үлкен жұмыс атқарды. Бұл оған үлкен мектеп болды. Орыс және қазақ тілдерінде сөйлемесе де, диалогтарды жатқа айтып, түсірілімдер кезінде еш қиналмады. Қазақстандық актерлер оған үлкен көмек көрсетті, – деді режиссер.

Сондай-ақ «Өліара» фильмінің түсіру тобы осы картинаның  түсірілімдеріне қатысқан Nomad Stunts каскадерлер тобына алғысын білдірді.

Продюсердің айтуына қарағанда, барлығы 35 тб. материал түсірілген екен. Фильмнің монтаждау жұмыстары Будапешт қаласындағы белгілі FOCUSFOX компаниясында жүргізіледі. Кейін «Қазақфильм» киностудиясында туындының орыс тіліндегі нұсқасы дайындалады.

Сценарий авторы: Нұрлан Санжар

Қоюшы режиссер: Тамаш Тот

Қоюшы оператор: Алексей Кирюхин

Қоюшы суретші: Рустам Одинаев

Грим бойынша суретші: Лидия Ордынская

Продюсері: Олжабай Мұсабеков

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: