30 жылдыққа 124 миллион теңгенің медалі таратылды

Тапсырысты орындаған еліміздегі жалғыз Теңге сарайы

"Қазақстан Республикасы Тәуелсіздігіне 30 жыл" мерейтойлық медальдарын дайындауға 123 900 000 теңге жұмсалды, деп хабарлайды Zakon.kz.

Ulysmedia.kz дерегіне сәйкес бір медальдің құны 4 956 теңге болған, барлығы 25 000 дана медаль жасалды. Осы мақсатта мемлекеттік бюджетінен жалпы сомасы 123,9 млн теңге бөлінді.

Сатып алулар үдерісі бір көзден алу тәсілімен тікелей шарт жасасу арқылы жүзеге асқан. Бұл туралы Goszakup turaly парақшасында жазылған. Тапсырыс беруші – Қазақстан Республикасы Президенті Әкімшілік басқармасы, ал орындаушы – Өскемен қаласында орналасқан ҚР Ұлттық банкінің Теңге сарайы.