Қазақ – дербес мемлекет құрып, еркін өмір сүруге құқылы – Қасым-Жомарт Тоқаев

Президент, Тәуелсіздіктің 30 жылдығы Сурет: zakon.kz
Қазақстан Республикасы Тәуелсіздігінің 30 жылдығына арналған салтанатты жиында Мемлекет басшысы Қасым-Жомарт Тоқаев Қазақстан халқын егемендіктің қадір-қасиетін бағалауға шақырды, деп хабарлайды Zakon.kz
Халқымыз егемендіктің қадір-қасиетін жан-жүрегімен сезінеді. Өйткені біз азаттықтың құны қандай екенін жақсы білеміз. Бостандық жолында талай батырларымыз құрбан болды. Қаншама қиын күндер басымыздан өтті. Бірақ халқымыз барлық сынақты қайыспай көтерді. ҚР Президенті Қасым-Жомарт Тоқаев

Президент елдік жолында жұдырықтай жұмыла әрекет етудің арқасында Қазақстан халқы телегей-табысқа жеткенін атап өтті.

Төл тарихымыздағы ең күрделі сәттерде халқымыз жұдырықтай жұмыла білді. Бұланты, Орбұлақ және Аңырақай шайқастары – осының айқын дәлелі. Қазақтың елдік жолындағы ерлігі отаршылдыққа қарсы ұлт-азаттық қозғалыстарда айқын көрінді. ҚР Президенті Қасым-Жомарт Тоқаев

Мемлекет басшысы тәуелсіз ел атану жолында жанын пида еткен арыстар мен ұлт қаһармандарының ерлігі ұрпақ жадынан өшпеуі тиіс екенін баса айтты.

Біздің бабаларымыз қазақтың дербес мемлекет құрып, еркін өмір сүруге құқылы екенін тарих алдында дәлелдеді. Мыңжылдықтар тоғысатын тұста Азаттық туы көгімізде желбіреді. Ұлттың ең ұлы мұраты – Тәуелсіздікке қол жеткіздік. Сол сәттен бастап Қазақ елінің ұлы көші болашаққа бет түзеді. Халқымыз өз мемлекетін құруға кірісті. Бұл – тарихи әділдіктің орнауы. ҚР Президенті Қасым-Жомарт Тоқаев
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз