Бүгін ТМД-ны құру туралы "Алматы декларациясының" қабылданғанына 30 жыл толды

Алматы декларациясы, ТМД, президент, сурет - Zakon.kz жаңалық 21.12.2021 10:44

Сурет: WikiCommons

Қасым-Жомарт Тоқаев 30 жыл бұрын дәл осы күні ТМД-ның қағидаттары мен мақсаттарын бекіткен Декларацияға қол қойылғанын еске салды, деп хабарлайды Zakon.kz.

1991 жылы 21 желтоқсанда Алматыда Тұңғыш президент Н.Ә.Назарбаевтың бастамасымен ТМД-ның қағидаттары мен мақсаттарын бекіткен Декларацияға қол қойылды. 30 жыл ішінде ТМД әлемдік қоғамдастық мойындаған беделді өңірлік ұйымға айналды. Қазақстан ТМД-ны қолдайды және оның жұмысына белсене атсалысады.ҚР президенті Қасым-Жомарт Тоқаев

1991 жылғы 21 желтоқсанда Қазақстанның сол кездегі астанасы Алматыда бұрынғы кеңестік он бір республиканың басшылары жиналып, маңызды стратегиялық шешім қабылдады, «ТМД-нің Алматы декларациясы» қабылданып, онда Тәуелсіз мемлекеттер достастығының құрылғандығы жарияланды, оның тең құқылы бірлестікке ұмтылысы айқындалып, мақсаттары мен ұстанымдары нақтыланды.

Оқи отырыңыз