Сағынтаев Алматыда жұмыс істейтін жастарға пәтер кілтін табыстады

Пәтер кілті Сурет: Алматы қаласы әкімдігінің баспасөз қызметі
Тәуелсіздіктің 30 жылдығына орай жаңа жыл қарсаңында Алматы әкімі Бақытжан Сағынтаев «Нұрлы Жер» бағдарламасы бойынша салынған жалға берілетін тұрғын үй иелерінің жаңа қоныстанушыларын құттықтады, деп хабарлайды Zakon.kz

Бүгін «Нұрлы жер» мемлекеттік бағдарламасы аясында 29 жасқа дейінгі жұмыс істейтін жастарға 5 жыл мерзімге 1050 жалдамалы пәтер беріледі. Тағы 441 пәтер «Бақытты Отбасы» және «Шаңырақ» бағдарламалары бойынша көпбалалы, толық емес және мүгедек балаларды тәрбиелеп отырған отбасылар арасында жеңілдікпен кредит беру шартымен бөлінген.

Алматы жастары

Сурет: Алматы қаласы әкімдігінің баспасөз қызметі

Пәтерлер Наурызбай ауданындағы «Алма Сити 5» ТК және Алатау ауданындағы «Мәдениет» ТК-де «Нұрлы Жер» бағдарламасы бойынша салынған үйлерде орналасқан. Алматы әкімі Б.Сағынтаев жұмыс істейтін жастарды қолдау 2019 жылдан бастап «Нұрлы Жер» жалға берілетін тұрғын үй бағдарламасының Тұңғыш Президент – Елбасы Н.Назарбаевтың тапсырмасы бойынша жүзеге асып жатқанын атап өтті.

Қаланың дамуына өз үлесін қосатын жастарды қолдау – біздің басты міндетіміз. Мемлекеттік және қалалық бағдарламалардың арқасында мыңдаған қала тұрғындары қолжетімді баспанаға ие болады. Б. Сағынтаев

Сонымен қатар, «Алматы жастары» қалалық бағдарламасы бойынша екінші жыл қатарынан тұрғын үй сатып алу үшін мыңдаған жеңілдікті қарыздар бөлінуде. Пайыздық мөлшерлеме – 5%, несие мерзімі – 25 жыл. Биыл қарыз сомасы 18 млн теңгеге дейін өсті.

Алматы жастары

Сурет: Алматы қаласы әкімдігінің баспасөз қызметі

Еске салсақ, Тәуелсіздік күні қарсаңында қаланың коммуналдық тұрғын үй қорынан кезекте тұрған халықтың әлеуметтік осал топтарына 211 пәтер бөлінді. Тұрғын үй «Нұрлы жер» мемлекеттік бағдарламасы аясында салынған Алатау ауданындағы «Мәдениет» ТК орналасқан. Жалпы, алдын ала есептеулер бойынша, өткен жылы Алматының 5 400 тұрғыны баспаналы болады.

Жыл басынан бері 3 903 адам тұрғын үймен қамтамасыз етілді. Оның ішінде, «Бақытты отбасы» республикалық бағдарламасы бойынша (2-10-20) 441 несиелік қарыз, «Шаңырақ» республикалық бағдарламасы бойынша (5-10-20) 2 146 несиелік қарыз берілді. «Алматы Жастары» қалалық жеңілдікпен несиелендіру бағдарламасы бойынша бүгінде 973 несие берілді. Коммуналдық тұрғын үй қорынан 343 пәтер бөлінді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз