Жаңажылдық мерекеде қазақстандықтар құнттамайтын 6 жағдай
Сурет: zakon.kz
Сақтандыру компаниясы қазақстандықтардың соңғы жылдардағы Жаңа жыл мерекесінен кейін сақтандыру жағдайын сараптай келе, негізгілерінің тізімін жасап шығыпты.
Бірінші орында – суық тию
Жаңа жылдық мерекелер кезінде қазақстандықтардың басым бөлігі суық тию диагнозымен медицина мамандарына жүгінеді екен. Бұл мереке кезінде болатын оқиғалардың жалпы санының 38 пайызына тең.
Екінші орында – жарақат алу
Соңғы жылдары дене мүшесіне зақым келтіру оқиғаларының үлесі 14%-дан 19%- ға артқан.
Ал астан улану – үшінші орында
Мереке күндері асты шамадан тыс жеп-ішу, ащы және майлы тағамдардың көптігі асқазан-ішек жолдарының ауруына әкеліп соғады.
Төртінші – ішімдік
Жаңа жылдық мерекелер кезінде алкогольмен уланудың үлесі айтарлықтай артады.
Аллергиялық ауруларға байланысты өтініштер бесінші орында
Көбінесе ересектер мен балаларда апельсин, мандарин, шоколад және жаңғақтар (жержаңғақ ең қауіпті), балық тағамдары сияқты астар аллергиялық реакция тудырады.
Алтыншы орында – от шашудан күйік шалу
Мамандар жаңа жылдық мерекелер кезінде пиротехникалық бұйымдарды дұрыс пайдаланбаудың нәтижесінде денесін күйік шалу фактілері де азаймай отырғанын мәлімдеді. Олардың айтуынша, бұған ешқандай сертификаты жоқ пиротехника кінәлі көрінеді. Сақтандыру компаниясының мамандары жоғарыда аталған тізімге мұқият болуға кеңес береді.
