Шымкент тұрғыны мемлекетке 1 миллиард теңге көлемінде залал келтіргені үшін сотталды

Салық, жалған шот-фактура, қылмыс , сурет - Zakon.kz жаңалық 27.12.2021 16:10

Сурет: pixabay

Қаржылық мониторинг агенттігі салық төлеуден жалтару мақсатында жосықсыз кәсіпкерлерге жалған шот-фактуралар жазып берген азамат А.Махатаевтың заңсыз әрекетінің жолын кесті, деп хабарлайды Zakon.kz

Тергеу мәліметтері бойынша, шымкенттік А.Махатаев 2017-2020 жылдар аралығында өзінің туыстары мен таныстарының атына 14 кәсіпорын тіркеген. Атап айтсақ: "Мейір құрылыс" ЖШС, "Тыныштық 2018", "Элит Капитель", "МАГМА-2018", "Әшімов и Ко", "A L A T A U K", "S-Industry", "БЕС ҚАСҚА", "ЖОРҒА 2019", "ИНТЕРТРАНССЕРВИС-2020", "eхcellent", "Угам 2018", "005", "Эверест к". Аталған кәсіпорындар кәсіпкерлікпен айналысу емес, контрагенттерге төлемдер төлеуден жалтару мақсатында құрылған.

Фирма көрсеткен деректер бір күндік қана болған әрі жеке кеңсесі, қызметкерлері мен өндірістік-техникалық базасы болмаған.

Заңсыз әрекеттердің нәтижесінде мемлекетке 1 млрд теңгеден астам мөлшерде залал келді.

А.Махатаев қылмысы үшін 4 жылға бас бостандығынан айырылды, сондай-ақ оған 10 жылға дейін кәсіпкерлік қызметпен айналысуға тыйым салынды.

Оқи отырыңыз