ШҚО-да қарулы адам той үстіне кіріп келіп, оқ жаудырды

Әлеуметтік желі, сурет - Zakon.kz жаңалық 02.01.2022 09:52

Сурет: pixabay

Үржар ауылындағы мейрамханалардың бірінде жаңа жылдық мерекені тойлап жатқандардың үстіне қарулы адам кіріп келіп, оқ жаудырды, деп хабарлайды Zakon.kz

Оқыс оқиғаның видеосы желіде тарады.

Шығыс Қазақстан облысының полиция департаменті аталған оқиғаға қатысты түсініктеме берді.

Ағымдағы жылдың 1 қаңтарында сағат 4:00 шамасында Үржар ауылындағы мейрамханалардың бірінде екі жергілікті тұрғын өзара дүрдараздықтың салдарынан атыс қаруын қолдана отырып, бұзақылық әрекеттерге барған. Екеуара атыс кезінде ешкім зардап шеккен жоқ. ШҚО ПД баспасөз қызметі

Үржар аудандық полиция бөлімінің қызметкерлері ҚР ҚК-нің 293-бабы, 3-бөлігі, яғни "Бұзақылық" бойынша сотқа дейінгі тергеуді бастады, оған сәйкес жеті жылға дейін бас бостандығынан айыру жазасы қарастырылған.

Қабылданған шаралар нәтижесінде күдіктілердің екеуінің де жеке басы анықталды. Олардың бірі ұсталып, УҰИ-ға қамалды.

Оқи отырыңыз