Жаңалықтар тізбегі
0

Смайылов: Біздің негізгі міндетіміз – эпидемиологиялық ахуалды бақылауда ұстау

Ревакцинация, эпидахуал, ҚР денсаулық сақтау министрлігі, ҚР премьер-министрі, сурет - Zakon.kz жаңалық 12.01.2022 12:36 Сурет: Zakon.kz
ҚР Премьер-министрі Әлихан Смайылов Үкімет отырысында ҚР Денсаулық сақтау министрлігіне халықты ревакцинациялау қарқынын арттыруды тапсырды, деп хабарлайды Zakon.kz

ҚР Денсаулық сақтау министрі Ажар Ғиният соңғы апталарда вакцинациялар жұмысы бәсеңдеп қалғанын айтты. Оның мәлімдеуінше, бүгінгі таңда 9,4 млн астам адам вакцинаның бірінші компонентін, 8,7 млн-нан астам адам екінші компонентін алды. 670 мыңға жуық адам ревакцинациядан өтті.

Негізгі міндет – эпидемиологиялық ахуалды бақылауда ұстау екенін айтқан Премьер-министр Денсаулық сақтау министрлігіне, әкімдіктерге ПТР-тестілеу санын ұлғайтуды, жедел мониторинг жүргізіп, медицина қызметкерлері мен ауруханаларда резервтік орындардың даярлығын қамтамасыз етуді, сондай-ақ дәрі-дәрмек пен медициналық бұйымдардың жеткілікті болуын қадағалауды тапсырды.

Біздің негізгі міндетіміз – эпидемиологиялық ахуалды бақылауда ұстау. Халықтың санитариялық-эпидемиологиялық талаптарды сақтауы бойынша шараларды күшейту қажет.ҚР Премьер-министрі Әлихан Смайылов

Премьер-министр үйде медициналық көмек көрсету үшін мобильді бригадалардың жұмысын жандандырып, оларды тегін дәрі-дәрмекпен қамтамасыз ету қажет екенін, сонымен қатар дәріханаларда дәрі-дәрмектің тапшылығына жол бермеу шараларын қабылдау қажеттігін атап өтті.

Ә. Смайылов Денсаулық сақтау министрлігі мен әкімдіктерге халықты ревакцинациялау қарқынын едәуір арттыруды тапсырды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: