Тоқаев: Инфляцияны төмендетпей, экономикалық өсімге қол жеткізу мүмкін емес
Сурет: Ақорда
Президент Twitter-дегі парақшасында теңгені бекемдемей және инфляцияны төмендетпей, орнықты экономикалық өсімге қол жеткізу, азаматтардың әл-ауқатын арттыру, инвесторлардың сеніміне ие болу мүмкін емес екенін жазды.
— Qasym-Jomart Toqayev (@TokayevKZ) January 12, 2022Мемлекеттің басты міндеті – отандастарымыздың игілігі мен тұрмыс сапасын қамтамасыз ету. Әділ бәсекені дамыту, шағын және орта бизнесті қолдау, мемлекеттік қолдау шараларының ашықтығы – жаңа экономикалық бағыттың негізгі қағидалары.
Сондай-ақ Мемлекет басшысы өңірлер арасындағы даму алшақтығын еңсеруге баса мән беру керектігін атап өтті. Жұмыспен қамту мәселесін шешіп, еліміздің барлық облысының әлеуметтік және мәдени дамуына жағдай жасау керек. Аймақтарда шетелдік жетекші жоғары оқу орындарының филиалдары ашылады.
— Qasym-Jomart Toqayev (@TokayevKZ) January 12, 2022Жалпыхалықтық «Қазақстан Халқына» қоры азаматтардың нақты проблемаларын шешуге қызмет етеді. Қор сирек кездесетін ауруға шалдыққан балаларды емдеуге көмектесіп, әлеуметтік және мәдени нысандардың құрылысын қаржыландырады. Алматыны қалпына келтіруге қаржы бөлінеді.
