Дәрігерлер Елжан Біртановты босатуды сұрап, Тоқаевқа өтініш білдірді

Біртанов ісі, үйқамақ Сурет: avaaz.org
Желіде бұрынғы денсаулық сақтау министрі Елжан Біртановқа қатысты қылмыстық қудалауды тоқтату туралы петиция жарияланды, деп хабарлайды Zakon.kz

Өтініш авторларының мәлімдеуінше, тергеу органдары, прокуратура және судьялар Біртановтың кінәсіздігі туралы уәжіне назар аудармай жатқанын атап өтті.

Біз Біртановтың тікелей бағыныштысы да, туысы да емеспіз және Елжан Амантайұлын қызметі арқылы ғана танимыз. Ол өзі медициналық ұйымдарды аралап, теледидардан сұхбат беріп, дөңгелек үстелдерге, брифингтерге қатысып, көтерілген бірде-бір мәселені назардан тыс қалдырған емес. Бүкіл әлем сияқты елдің індетке дайын болмағаны және сол кездегі Денсаулық сақтау министріне тікелей байланысты болғанның барлығын өзі жасап, жүзеге асырғаны оның кінәсі емес.Петиция мәтінінен

Мемлекет басшысына жолданған үндеуде қазақстандықтар Елжан Біртановтың ісін жіті қадағалап отырғанын және экс-министрдің кінәлі екеніне сенбейтіні айтылған.

Жақсы басшының, дәрігердің, тұлғаның тағдырына бейжай қарамайтыныңызға сенеміз. Дәл қазіргі уақытта сіздің ұжымыңызда қарапайым халық сенім артқан осындай кәсіби мамандар, патриоттар, білікті адамдар болуы керек. Біртановты заңсыз қылмыстық қудалауды тоқтатуыңызды сұраймыз!Петиция мәтінінен

Петицияға қол қою 21 қаңтарда басталды. Қазіргі уақытта оған 2 мыңға жуық адам қол қойған.

Бұрынғы денсаулық сақтау министрі Елжан Біртанов хорватиялық Ericsson Nicola Tesla компаниясы жасаған Денсаулық сақтау министрлігін ақпараттандыру платформасын қабылдап, іске қосу арқылы қызмет бабын асыра пайдаланды деген күдікке ілінді.

Біртановтың үйқамақта отырғанына бір жылдан асты. Қылмыстық іс 133 томнан тұрады.

Тақырып бойынша оқи отырыңыз

Экс-министр Біртановтың ісі сотқа түсті

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз